عراقی وزیر اعظم ایاد علاوی

انہوں نے کہا کہ صدام حسین اور ان کی حکومت سے تعلق رکھنے والے زیر حراست گیارہ ارکان جسمانی طور پر امریکی فوج کی ہی تحویل میں رہیں گے۔

عراق کے نئے وزیر اعظم نے کہا کہ سابق صدر کے مقدمے کی منصفانہ سماعت ہو گی اور ان کے ساتھ وہ سلوک نہیں ہوگا جو ان کے دور میں عراقی عوام کے ساتھ روا رہا۔

اس کے ساتھ ہی عراق کے وزیر داخلہ حسن النقیب نے امید ظاہرکی ہے کہ عراقی فوج اور پولیس ’تشدد اور دہشت گردی‘ کے واقعات پر قابو پا کر عوام کا اعتماد حاصل کرنے میں ہو جائیں گی جو امریکی فوج کو عراق میں حاصل نہیں ہو سکا۔

دریں اثنا عراق میں اقتدار نئی عراقی انتظامیہ کو منتقلی کے موقع پر بھی تشدد کے واقعات جاری ہیں اور تین امریکی فوجیوں کی ہلاکت کی اطلاع ملی ہے۔