شیل نائجیریا

شیل کا کہنا ہے کہ تشدد کی لپیٹ میں آئے ہوئے علاقوں میں ایمانداری سے کام کرنا انتہائی مشکل تھا۔

بین الاقوامی تنظیمیں شیل پر سمندروں میں بہہ جانے والے تیل کی صفائی میں تاخیر کا الزام لگاتی ہیں۔

شیل کے خلاف اس بنیاد پر مقدمہ دائر کرنے کی تیاری کی جا رہی ہے کہ اس نے مبینہ طور پر دس سال قبل نائجر ڈیلٹا کے علاقے میں فوجی کارروائیوں کی حمایت کی تھی۔

شیل کے کمیونٹی ڈویلپمنٹ مینیجر عمانویل ایٹومی نے کہا ہے کہ حکومتوں اور مقامی سطح پر لوگوں کو معاملات اپنے ہاتھ میں لینے پڑیں گے۔

انہوں نے کہا کہ ایک ایسی صنعت کی حیثیت سے جو ’غیر ارادی‘ طور پر مسائل کی ذمہ دار ہے وہ مدد کرنے کے لیے تیار ہیں۔

شیل نے سن دو ہزار تین میں یہ جاننے کے لئے ایک آزاد ادارے کے ذریعے یہ تحقیق کرائی تھی کہ اس کی کارروائیاں کس طرح ’غیر ارادی‘ طور پر لڑائی کا باعث بنتی ہیں۔

شیل کے مطابق تفتیش سے معلوم ہوا ہے کہ بعض اوقات وہ کس طرح ٹھیکوں کی تقسیم اور زمین کے حصول کے طریقہ کار کے ذریعے جھگڑوں کو ہوا دیتی ہیں۔

شیل نائجیریا کے چیئرمین کرس فنلیسن کا کہنا ہے ’ہمیں احساس ہے کہ ماضی میں ہماری ترقیاتی کارروائیاں بالکل درست نہیں تھیں‘۔