اکتیس سالہ اسد اور انتیس سالہ اجالا کی شادی کی تصویر

پچھلے کچھ سالوں سے اجالا اور اسد کے درمیان ملاقاتوں کا سلسلہ تھا لیکن ’چوری چھپے‘۔

دوسرے محبت کرنے والوں کی طرح وہ بھی چاہتے تھے کہ اُن کی شادی ہو جائے، اُن کا اپنا گھر ہو اور بچے ہوں۔

مختلف مذہب کے ہونے کی وجہ سے اکتیس سالہ اسد اور انتیس سالہ اجالا کے لیے اِن خوابوں کا حقیقت ہونا اتنا آسان نہ تھا۔

اجالا اور اسد کی شادی نو سال کے طویل عرصے بعد کے ہوئی۔

اجالا اور اسد کالج میں پہلی بار ملے تھے۔ اجالا کے والدین آزاد خیال کے مالک تھے۔ انہوں نے کبھی اجالا پر لڑکوں یا مختلف مذہبوں سے تعلق رکھنے والوں سے دوستی پر پابندی نہیں لگائی۔

وہ جانتے تھے کہ اسد ایک مسلمان ہے اور اس کا اجالا کے گھر ایک ’دوست‘ کی حیثیت سے آنا جانا تھا۔ لیکن انہیں یہ نہیں معلوم تھا کہ ان کی دوستی محبت میں بدل جائے گی۔

جب اجالا نے اپنے والد کو اس رشتے کے بارے میں آگاہ کیا تو انہیں شدید دھچکا لگا اور انہوں نے اس شادی سے صاف انکار کر دیا۔

اجالا نے والد ’اشوک‘ جنہوں نے اس شادی کی زبردست مخالفت کی تھی۔

انہوں نے اجالا کی شادی ایک ہندو لڑکے سے طے کر دی جو کہ حالات کشیدہ ہونے کے سبب ٹوٹ گئی۔

اِس سلسلے میں اجالا کا کہنا تھا کہ اُس کے شوہر اور بھائیوں کا رویہ اس کے ساتھ نامناسب تھا۔

تقریباً شادی کے دس ماہ بعد اجالا اپنے گھر واپس آ گئی۔ اس دن کے بعد سے اجالا اور اس کے والد کے درمیان بات چیت کا سلسلہ ٹوٹ گیا۔

ادھر اسد اب بھی اجالا کا انتظار کر رہا تھا اور ایک بار پھر اسد اور اجالا کے درمیان پرانے پیار کا سلسلہ دوبارہ شروع ہوگیا۔

اجالا جانتی تھی کہ اگر وہ اسد سے شادی کرتی ہے تو اس کے والدین کو رسوائی کا سامنا کرنا پڑے گا۔ اسد سے شادی کرنے کے بعد اسے اپنے ماں باپ کو یقینی طور سے چھوڑنا ہوگا۔

اس سے پہلے اجالا اور اسد نو سال تک اپنے ماں باپ کو شادی کے لیے مناتے رہے لیکن جب انہوں نے دیکھا کہ وقت نکلا جا رہا ہے اور خاطر خواہ جواب نہیں مل رہا ہے تو انہوں نے شادی کرنے کا فیصلہ کر لیا۔

اس شادی پر اُن کے ماں باپ نے رضامندی تو ظاہر کر دی لیکن انہوں نے شادی میں شرکت سے انکار کر لیا۔

اِس وقت انہیں لوگوں کی طرف سے شدید رسوائی کا سامنا ہے اور وہ کسی ایسی جگہ چلے جانا چاہتے ہیں جہاں انہیں کوئی جاننے والا نہ ہو۔