میں نے جنگی قیدیوں کے ساتھ مار پیٹ دیکھی ہے

فوجی ذرایع کا کہنا ہے کہ ان کے خیال میں انہوں نے روزنامے میں شایع تصاویر میں نظر آنے والے ٹرک کو پہچان لیا ہے ان کا کہنا ہے کہ یہ گاڑی اب بھی برطانیہ میں ہے اوراسے کبھی بھی عراق نہیں بھیجا گیا۔

برطانوی وزیرِ دفاع جیف ہون نے بھی ایک ٹی وی انٹرویو اور پارلیمنٹ میں اپنے بیان میں ان تصاویر کے مصدقہ ہونے پر شبہ ظاہر کیا ہے۔

لیکن ڈیلی مرر نے کہا کہ اسے پورا بھروسہ ہے کہ اس نے جو تصاویر شائع کی ہیں وہ قیدیوں کے ساتھ بد سلوکی کا بلکل صحیح منظر پیش کرتی ہیں۔ روزنامے نے یہ بات قبول نہیں کی کہ وزارتِ دفاع نے ان تصاویر کو جھوٹا قرار دیا ہے۔