ابتدائی اطلاعات کے مطابق دھماکہ ایک حادثہ کی وجہ سے ہوا جو ہرات کے ضلع شین ڈنڈ میں پیش آیا۔ یہ مقام دارالحکومت سے ساڑھے چھ سو کلومیٹر مغرب میں واقع ہے۔

ہرات اور قندہار شہر کے درمیان شاہراہ پر یہ ٹینکر دکانوں اور ہوٹلوں کے ایک مصروف علاقے میں گھس کر ٹکرا گیا۔

ہرات میں ایک پولیس اہلکار کا کہنا ہے کہ مرنے والوں کی تعداد میں اضافہ ہو سکتا ہے۔

دھماکہ اس قدر زوردار تھا کہ اس سے قریبی عمارتیں تباہ ہوگئیں۔ خیال ہے کہ ٹینکر میں گیس بھری ہوئی تھی۔