یروشلم کے مشرق میں معالي آدوميم والخليل کی بستی کے دورے میں انہوں نے کہا کہ وہ معالی آدومیم اور اس کے علاوہ پانچ اور بستیاں خالی نہیں کریں گے۔

اسرائیلی وزیر اعظم نے یہ بیان ایک ایسے وقت دیا ہے جب وہ امریکی صدر جارج بش سے ملنے کے لیے واشنگٹن جا رہے ہیں۔

اسرائیلی وزیر اعظم نے عرب اردن کے علاقے سے اسرائیلی انخلاء کے اپنے منصوبے کے اعلان کے بعد پہلی مرتبہ یہ بات واضح طور پر کہی ہے کہ وہ کن بستیوں پر اسرائیلی قبضہ برقرار رکھنا چاہتا ہے۔

اسرائیلی وزیر اعظم نے معالی آدومیم کے تین ہزار میں سے پانچ سو مکینوں سے خطاب کرتے ہوئے کہا کہ ان کے گھر رہتی دنیا تک بنائے جاتے رہیں گے۔

معالی آدومیم کے علاوہ شیرون نے ہیبرون، کریات آربعہ، گش آتیزیوں اور یروشلم کے شمال میں گیوت زیوی کی بستیوں کی بھی نشاندھی کی جو ان کے بقول خالی نہیں کی جائیں گی۔