 |  لکشمی مِتل |
بھارتی نژاد ارب پتی لکشمی مِتل نے مغربی لندن میں ایک محل نما کوٹھی ستر ملین پاؤنڈ میں خریدی ہے جو اب دنیا کی سب سے مہنگی رہائش گاہ ہے۔ یہ کوٹھی کنسنگٹن گارڈنز میں واقع ہے۔اس کے پرانے مالک برنی ایکلسٹن ہیں اور اس کی نّوے کی دہائی میں وسیح پیمانے پر تزئین و آرائش ہوئی تھی۔ کہاجاتا ہے کے کوٹھی فرش اور ستونوں کے لئے سنگ مرمر اسی جگہ سے حاصل کیا گیا جہاں سے تاج محل میں استعمال ہونے والا سنگِ مرمر نکالا گیا تھا۔ کوٹھی کی تزئین و آرائش فون پارے جمع کرنے کے شوقین ایرانی ڈیوڈ خلیلی نے کی تھی۔ کوٹھی کے اندر ترک حمام، بال روم، عمدہ لکڑی سے بنی ہوئی آرٹ گیلری اور پیراکی کے لئے آراستہ تالاب ہیں۔ عمارت کی حفاظت کے لئے پینسٹھ خفیہ کمرے
ہیں۔ مِتل دنیاکی دوسری بڑی سٹیل مِل کے مالک ہیں اور ان کی ملکیت کا تخمینہ ساڑھے تین ارب پاؤنڈ کے قریب ہے۔ مِتل کے شمالی لندن میں گھر کی قیمت نو ملین پاؤنڈ ہے۔ گنیز بُک کے مطابق اِس سے پہلے دنیا کا سب سے مہنگا گھر ہانگ کانگ میں انیس سو ستانوے میں باسٹھ عشاریہ سات ملین پاؤنڈ میں فروخت ہوا تھا۔ | 
یہ صفحہ دوست کو ای میل کیجیئے
پرِنٹ کریں
