راہول گاندھی اپنی بہن پرییانکا کے ساتھ کراچی کے نیشنل سٹیڈیم میں

وہ الہ آباد میں اپنے والد کے حلقہ امیتی سے انتخاب لڑیں گے۔

ان کے والد اور دادی کو اس وقت قتل کر دیا گیا تھا جب وہ اپنے مناصب پر فائز تھے۔

راہول گاندھی حزب اختلاف کی بڑی جماعت انڈین نیشنل کانگریس کے ٹکٹ پر انتخاب لڑیں گے۔ گانگریس کی سربراہ ان کی والدہ اور راجیو کی بیوہ سونیا گاندھی ہیں۔

راہول اور ان کی بہن پرییانکا کے سیاست میں آنے کے بارے میں اس وقت سے قیاس آرائیاں کی جا رہی تھیں جب ان کے والد کو تیرہ سال قبل قتل کر دیا گیا تھا۔

راجیو کے قتل کے بعد ان کی اطالوی نژاد بیوہ بادل ناخواستہ سیاست میں آئیں۔

راہول گاندھی کے پرنانا جواہر لعل نہرو آزاد ہندوستان کے پہلے وزیراعظم تھے۔ ان کے بعد ان کی بیٹی اندرا گاندھی دو مرتبہ ہندوستان کی وزیراعظم منتخب ہوئیں۔

فی الحال راہول کی بہن پرییانکا کے سیاست میں آنے کے بارے میں کوئی اعلان نہیں کیا گی تاہم سیاسی مبصرین کا خیال ہے کہ پرییانکا زیادہ سحرانگیز شخصیت کی مالک ہیں اور اگر وہ سیاست میں حصہ لیتی ہیں تو اس سے کانگریس پارٹی کو بڑی تقویت مل سکتی ہے۔

تاہم نہرو خاندان کی سیاسی زندگی میں ایک اہم موڑ اس وقت آیا جب گزشتہ ماہ راہول کے چچازاد ورون اور چچی مانیکا گاندھی نے حکمران بھارتیہ جنتا پارٹی میں شمولیت اختیار کی۔