قندھار میں جوابی کارروائی کا آغاز | ||||||||||||||||||||||||||||||||||||||||
جنوبی افغانستان میں قندھار کے قریب ایک سولین ہیلی کاپٹر کے مار گرائے جانے کے بعد علاقے کو گھیر کر امریکی افواج نے کارروائی کا آغاز کر دیا ہے۔ اطلاعات کے مطابق پانچ مشبہ افراد کو گرفتار کیا جاچکا ہے جبکہ اس حملے میں ملوث دیگر افراد کی تلاش کا کام جاری ہے۔ یہ حملہ قندھار پچاس کلو میٹر دور تلکان کے علاقے میں کیا گیا اور اس میں ہیلی کاپٹر کا پائلٹ ہلاک ہو گیا۔ یہ ہیلی کاپٹر افغانستان میں تعمیر نو کا کام کرنے والی ایک امریکی کا تھا۔ تلکان کے علاقے میں ایک اسکول کے معائنے کے بعد یہ ہیلی کاپٹر پرواز کرنے والا تھا جب اس پر حملہ کیا گیا۔ ہیلی کاپٹر میں سوار دو افراد کے زخمی ہونے کی بھی اطلاع موصول ہوئی ہے۔ برطانوی دفترِ خارجہ کے مطابق زخمی ہونے والوں میں ایک شخص کا تعلق برطانیہ سے ہے۔ چند غیر مصدقہ اطلاعات کے مطابق زخمی ہون والوں میں ایک امریکی بھی شامل ہے۔ ہلاک ہونے والے پائلٹ کے بارے میں معلوم نہیں ہوسکا کے اس کا تعلق کس ملک سے تھا۔ بی بی سی کے نامہ نگار کے مطابق اس علاقے میں امریکی اور افغان حکومت کے فوجی دستے کافی عرصہ سے طالبان کے ساتھ بر سرے پیکار ہیں۔ دوسری جانب جنوبی وزیرستان میں پاکستانی فوج ایک بڑی کارروائی کرنے والی ہے۔ اطلاعات کے مطابق اس کارروائی کا مقصد اسامہ بن لادن اور ملا عمر کے خلاف گھیر تنگ کرنا ہے۔ |
| |||||||||||||||||||||||||||||||||||||||
| ||||||||||||||||||||||||||||||||||||||||