سنگا پور میں شرح آبادی بہت کم ہے

پروگرم کے میزبان ڈاکٹر وی سیانگ یو، جو ڈاکٹر لًو کے طور پر بھی جانے جاتے ہیں، اس پوگرام میں ناظرین کو سیکس، لًو اور بچے پیدا کرنے کی حکمتِ عملی کے بارے میں آگاہ کریں گے۔

ایک پروگرام میں سیکس تھیراپی کی جائے گی جبکہ دوسرے شو میں مختلف جوڑے حمل ٹہرانے کا مقابلہ کریں گے۔

سنگا پور دنیا کے ان ممالک میں سے ہے جہاں شرح آبادی بہت کم ہے اور ایک تحقیق کے مطابق سن دو ہزار تین میں اوسطً ایک خاتون کے ہاں صرف ایک اعشاریہ دو بچے پیدا ہوئے۔

ڈاکٹر لًو نے بی بی سی کو بتایا کہ ان کے پروگرام میں جوڑوں کو سیکس میں جدت کے گُر سکھائے جائیں گے اور مساج وغیرہ کے طریقے بتائے جائیں گے۔

ڈاکٹر لًو کے دوسرے شو میں دنیا بھر سے مختلف جوڑے پہلے بچہ ٹہرانے کا مقابلہ کریں گے۔

ڈاکٹر لًو کا کہنا ہے کہ ان کے پروگرام کی نوعیت بظاہر سنسنی خیز ہونے کے باوجود ان کا مقصد لوگوں کو اس سلسلے میں تفریح کے ساتھ تعلیم دینا ہے۔ ان کا کہنا ہے کہ بچے پیدا کرنے کا تعلق محض سیکس سے نہیں بلکہ یہ طرزِ زندگی سے جڑا ہوا معاملہ ہے۔

ڈاکٹر لًو نے پہلے بھی سنگاپور میں گرتی ہوئی شرحِ آبادی کو کنٹرول کیا ہے جب سن دو ہزار دو میں انہوں نے ایک ایسی مہم چلائی تھی جس میں سیکس کے بارے میں بات کرنے سے ہچکچانے والے نوجوان مشورے کے لئے ڈاکٹرز کو ٹیکسٹ میسج کر سکتے تھے۔