اس فلم کا مرکزی کردار جو ایک پیشہ ور باکسر ہے باکسنگ کو خیر آباد کہہ کر ٹی وی کے لیے کھیلوں کی رپورٹنگ کرنا چاہتا ہے۔

کپیل دیو نے کہا کہ بالی وڈ میں کھلاڑیوں کی زندگیوں پر فلمیں بنانے کی ضرورت ہے تاکہ بھارت کے نوجوانوں کو بین الاقوامی معیار کے پیشہ ور کھلاڑی بننے کی طرف راغب کیا جاسکے۔

اس فلم کی عکس بندی کا کام گزشتہ ہفتے شروع ہوا جس میں بھارت کے عالمی شہرت یافتہ تیز رفتار بالر جنہیں بھارت کی انیس سو تراسی میں ورلڈ کپ جیتنے والی ٹیم کی کپتانی کا شرف حاصل ہے باکسر کا کردار ادا کر رہے ہیں۔

اس فلم کا مرکزی کردار آریا زندگی میں ناکام ہونے والے لوگوں کو یہ پیغام دیتا ہے کہ انہیں مایوس نہیں ہونا چاہیے اور جدوجہد جاری رکھنی چاہیے۔

کپیل بھارت کے پہلے کھلاڑی نہیں ہیں جن پر فلم سازوں کی نگاہِ انتخاب پڑی ہے۔

بھارتی بلے باز اجے جادیجا نے گزشتہ سال ایک رومانی ایکشن فلم میں اداکاری کے جوہر دکھائے تھے۔ انہوں نے اپنے اس تجربے پر تبصرہ کرتے ہوئے کہا تھا کہ یہ ایک سنسنی خیز تجربہ تھا لیکن وہ کرکٹ کو اب بھی ترجیح دیتے ہیں۔