یہ صفحہ دوست کو ای میل کیجیئے		پرِنٹ کریں

صدام حسین کل کا ہیرو آج کا ولن

سعودی عرب میں ایک چودہ سالہ لڑکے کے والد نے فیصلہ کیا ہے کہ وہ اپنے بیٹے کا نام صدام حسین سے تبدیل کر کے کچھ اور رکھ دے گا۔

سعودی عرب کے اس چودہ سالہ لڑکے کے والد کا کہنا ہے کہ اس کے بیٹے کو اس کے ہم جماعت تنگ کرتے ہیں اور وہ چاہتا ہے کہ اس کا نام تبدیل کر دیا جائے۔

سعودی عرب کے ایک اخبار میں شائع ہونے والی خبر کے مطابق صدام حسین کے ہم مکتب اسے مستقل تنگ کرتے ہیں اور بزدلی کے طعنے دیتے ہیں۔

اس کے والد نے کہا کہ انیس سو نوے میں کویت پر عراقی حملے کے بعد اس نے اپنے بیٹے کا نام سرکاری طور پر تبدیل کرنے کی درخواست دی تھی لیکن اس دفتر میں جہاں یہ درخواست جمع کرائی گئی تھی اسکڈ میزائل لگنے سے تباہ ہو گیا اور اس کا تمام ریکارڈ بھی جل گیا۔

پاکستان میں بھی پہلی خلیجی جنگ کے بعد بہت سے لوگوں نے اپنے بچوں کا نام صدام حسین رکھ دیا تھا۔ بعد میں بہت سے لوگ نے اپنے بچوں کا نام اسامہ بھی رکھا تھا۔