یہ صفحہ دوست کو ای میل کیجیئے		پرِنٹ کریں

مومر نکولیک کوجنگ کے دوران آٹھ ہزار مسلمانوں کے قتل عام میں حصہ لینے سزا سنائی گئی ہے۔

ہیگ میں قائم جنگی جرائم سے متعلق اقوام متحدہ کی عدالت نے بوسنیا کی سرب فوج کے کمانڈر مومر نکولیک کو انیس سو پچانوے کی جنگ کے دوران آٹھ ہزار مسلمانوں کے قتل عام میں حصہ لینے پر ستائیس برس کی قید کی سزا سنائی ہے۔

سرب فوج کے کمانڈر مومر نکولیک کی عمر اب اڑتالیس برس ہے اور ان پر انیس سو پچانوے کی جنگ کے دوران سربیا کے آٹھ ہزار مسلمانوں کے قتل عام میں ملوث ہونے کا الزام تھا۔

ایک اور پیشرفت میں بوسنیا کے دو مسلم اعلیٰ فوجی افسران کے ایک علیحدہ مقدمے کی سماعت شروع ہوئی۔

ان افسران یعنی انور حدثی حاسہ نووک اور عامر کوبورا پر غیر ملکی اسلامی شدت پسندوں کے ایک ایسے یونٹ کی قیادت کرنے کا الزام ہے جو انیس سو ترانوے میں کروشیا کے تقریباً دو سو سرب باشندوں کے قتل و غارتگری میں ملوث رہا ہے۔

تاہم دونوں ملزمان نے اس مقدمے میں صحت جرم سے انکار کیا ہے۔