یہ صفحہ دوست کو ای میل کیجیئے		پرِنٹ کریں

امریکی انتظامیہ اور گورننگ کونسل سے بات ہو رہی ہے

عراق میں شیعہ اکثریتی فرقے سے تعلق رکھنےوالے رہنماوں نے انتقال اقتدار کے نئے امریکی منصوبوں کے خلاف اپنے تحفظات کا اظہار کرتے ہوئے کہا کہ اگر ان کی رائے نہ لی گی تو اس سے مشکلات میں اضافہ ہوسکتا ہے۔

انہوں نے مطالبہ کیا کہ انتقال اقتدار سے پہلے اس بات کی یقین دہانی کرانی ہوگی کہ عراق کے قوانین اسلامی اقدار کے مطابق ہوں گے۔

شیعہ رہنما عبدالعزیز الحکیم نے کہا امریکہ کی طرف سے عراق میں انتقال اقتدار کے موجود منصوبوں میں عراق عوام کا کوئی کردار نہیں ہے۔

شیعہ اکثریتی فرقے کہ ایک اور رہنما سید علی السیستانی نے کہا اہم امور میں لوگوں کی رائے لی جانی چاہئے۔

ایک مذہبی رہمنا کے معتمد نےکہا کہ وہ امریکی انتظامیہ اور عبوری کونسل کے ارکان سے اس سلسلے میں بات کر رہے ہیں اور انھیں شیعہ اکثرتی فرقے سے تعلق رکھنے والے لوگوں کے تحفظات سے آگاہ کر رہے ہیں۔