یہ صفحہ دوست کو ای میل کیجیئے		پرِنٹ کریں

شادی عبداللہ مبینہ طور پر القاعدہ کے سربراہ اسامہ بن لادن کے ذاتی محافظ رہے ہیں

جرمنی کی ایک عدالت نے القاعدہ سے مبینہ تعلق رکھنے والے شخص کو یہودی مفادات کو نشانہ بنانے کی منصوبہ بندی کرنے میں مدد دینے کے جرم میں چار سال قید کی سزا سنائی ہے۔

ستائیس سالہ شاذی عبداللہ نسلاً فلسطینی ہیں تاہم ان کا تعلق اردن سے ہے۔ شاذی نے عدالت کو بتایا کہ کچھ عرصے کے لئے وہ القاعدہ کے سربراہ اسامہ بن لادن کے ذاتی محافظ بھی رہے ہیں۔

ڈسلڈورف کی عدالت نے انہیں ایک دہشت گرد تنظیم کی رکنیت رکھنے اور پاسپورٹ میں جعل سازی کرنے کا مرتکب پانے کے بعد سزا سنائی ہے۔

خیال ہے کہ انہیں قدرے کم سزا تفتیش کاروں کو اہم معلومات فراہم کرنے کے عوض سنائی گئی ہے۔

شاذی عبداللہ کو گزشتہ سال اپریل میں آٹھ دوسرے ملزمان کے ساتھ گرفتار کیا گیا تھا۔ ان افراد پر الزام تھا کہ وہ دہشت گرد کارروائیوں کی منصوبہ بندی کر رہے تھے۔

ان دہشت گرد کارروائیوں کا نشانہ دو یہودی ریستوران اور ایک کمیونیٹی سینٹر تھا۔

خفیہ ایجنسی کے اہلکاروں نے عدالت کو بتایا کہ عبداللہ کا تعلق جس تنظیم سے ہے اس کا نام ’التوحید‘ جس کے رابطے القاعدہ سے ہیں۔