یہ صفحہ دوست کو ای میل کیجیئے		پرِنٹ کریں

افغانستان میں غیر ملکیوں پر حملے کئے جاتے رہے ہیں

جنوب مشرقی افغانستان کے شہر غزنی میں فرانس سے تعلق رکھنے والی اقوام متحدہ کے عملے کی ایک خاتون رکن کو گولی مار کر ہلاک کر دیا گیا ہے۔

پناہ گزینوں کے عالمی ادارے کے لیے کام کرنے والی یہ خاتون اپنی گاڑی میں غزنی شہر کے ایک بازار سے گزر رہی تھیں کہ دو نا معلوم حملہ آوروں نے ان پر فائرنگ کر دی جس سے وہ ہلاک ہو گئیں اور ان کا افغان ڈرائیور زخمی ہو گیا۔ حملہ آور موٹر سائکل پر سوار تھے۔

غزنی کے گورنر کے مطابق موقع پر موجود افغان فوجیوں نے ان پر جوابی فائرنگ کی جس کے نتیجے میں وہ دونوں موٹر سائکل سوار زخمی ہو گئے اور انہیں گرفتار کر لیا گیا۔

اس واقع کے بعد اقوام متحدہ نے قندہار، جلال آباد اور گردیز میں سےاپنے عملے کو فوری طور پر نکل جانے کے لیے کہا ہے۔

اس سال مارچ سے اب تک افغانستان میں یہ کسی غیر ملکی کا پہلا قتل تھا۔ غزنی سابق طالبان حکومت کے حامیوں کا گڑھ سمجھا جاتا ہے۔