آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا اور روس کے درمیان فضائی دفاعی معاہدہ سنیچر کو متوقع
روس نے توقع ظاہر کی ہے کہ سنیچر کو دہلی اور ماسکو کے درمیان جدید فضائی دفاعی نظام کی فروخت کے معاہدے پر دستخط ہوں گے۔
کریملن کی جانب سے جاری کیے گئے ایک بیان میں کہا گیا ہے کہ روس اور انڈیا کے درمیان جدید ایس 400 میزائلوں کی فروخت کا معاہدہ ہوا ہے۔
کریملن کے ترجمان نے کہا کہ اس معاہدے پر دستخط انڈیا کے شہر گوا میں ہوں گے جہاں روسی صدر ویلادی میر پوتن برکس کے اجلاس میں شرکت کے لیے جائیں گے۔
روسی خبر رساں ایجنسیوں نے کریملن کے ترجمان کے حوالے سے بتایا کہ روسی صدر انڈیا میں وزیر اعظم نریندر مودی کے ساتھ ایس 400 ٹرائمف اینٹی میزائل ڈیفنس نظام اور دیگر معاہدوں پر دستخط ہوں گے۔
یاد رہے کہ روس نے ایس 400 زمین سے فضا میں مار کرنے والے میزائل نظام شام میں لگایا ہے۔
اس سے قبل انڈیا نے روس کے حریف امریکہ سے رواں برس کے آغاز پر ایک دوسرے کی فوجی تنصیبات اور ساز و سامان کے استعمال سے متعلق ایک اہم معاہدے پر دستخط کر دیے ہیں۔
گذشتہ ماہ کے اواخر میں روسی بری فوج کا ایک دستہ پہلی مرتبہ مشترکہ فوجی مشقوں کے لیے پاکستان پہنچا تھا۔
End of سب سے زیادہ پڑھی جانے والی
واضح رہے کہ اس سے قبل گذشتہ برس اگست میں پاکستان اور روس کے درمیان ایم آئی 35 ہیلی کاپٹر کی خریداری کا معاہدہ بھی طے پایا تھا۔
