ہارون رشید، رفاقت علی بی بی سی اردو ڈاٹ کام، اسلام آباد

	رات بھر کی کشیدگی بظاہر ختم ہو گئی ہے

اس سے قبل وفاقی دارالحکومت اسلام آباد میں لال مسجد کی انتظامیہ نے حکومت پر مزید پندرہ طلبہ کو اغوا کرنے کا الزام لگایا ہے۔

کارروائی ندارد، کشیدگی جاری

لال مسجد حالات قدرے بہتر

کارروائی کا امکان بڑھ گیا

مسجد کے نائب مہتمم عبدالرشید غازی نے بی بی سی کو بتایا کہ ان کے ساتھیوں کی رہائی کے برعکس پولیس نے جامع فریدیہ کے سامنے سے پندرہ مزید طلبہ کو پیر کو اغوا کر لیا۔

مقامی انتظامیہ نے کل رات مسجد کو جانے والے تمام راستے بند کر دئیے تھے جنہیں تاہم آج صبح دوبارہ کھول دیئے گئے۔ قریبی پولیس سٹیشن پر تعینات اضافی نفری اور رینجرز کو بھی وہاں سے ہٹا دیا گیا ہے۔

تاہم مسجد کے طلبہ سامنے کی ایک سڑک پر اپنا قبضہ آج بھی قائم رکھے ہوئے ہیں۔

لال مسجد کے طلبہ نے گزشتہ جمعے کے روز چار پولیس اہلکاروں کو یرغمال بنا لیا تھا۔ ان میں سے دو کو تو بعد میں رہا کر دیا گیا تاہم دو ابھی بھی طلبہ کے قبضے میں ہیں۔

	اسلام آباد میں گزشتہ رات پولیس اور رینجرز کی بھاری نفری کی تعیناتی کے بعد مدرسے کے خلاف کارروائی کا امکان بڑھ گیا تھا

مسجد کے پانچ طلبہ کی عدالت سے ضمانت پر آج متوقع رہائی کے بعد ان پولیس اہلکاروں کی رہائی کا امکان ہے۔ تاہم ان تازہ گرفتاریوں سے حالات دوبارہ کشیدہ ہونے کا خطرہ ہے۔

مسجد انتظامیہ نے کل دو سو طلبہ کی گرفتاری کا دعوی کیا تھا تاہم حکام نے صرف چالیس کی تصدیق کی تھی۔