عروج جعفری کراچی

زرداری کو آٹھ برس کی اسیری کے بعد 22 نومبر کو کراچی میں رہا کیا گیا تھا

آصف زرداری نے ایک انٹرویو میں بتایا ہے کہ پاسپورٹ آفس کے مطابق جب تک ان کا نام ای سی ایل یا ایکسٹ کنٹرول کی فہرست میں موجود ہے ان کا نیا پاسپورٹ نہیں بن سکتا۔

یاد رہے کہ طویل اسیری کے دوران ان کے گزشتہ دونوں پاسپورٹس کی معیاد ختم ہو گئی تھی۔ زرداری کے بقول وہ ماضی میں ایک سفارتی اور ایک نجی پاسپورٹ استعمال کرتے رہے ہیں۔

مسٹر زرداری کا کہنا تھا کہ اس سلسلے میس جب تک کوئی نئی پیش رفت نہیں ہوتی وہ اپنے خاندان سے ملنے دبئی نہیں جا سکتے اور اب نئی حکمت عملی تیار کریں گے۔

پچھلے دنوں اس طرح کی خبریں گردش کر رہی تھیں کہ آصف علی زرداری کا نام ای سی ایل سے ہٹایا جانے والا ہے اور وہ ایک لمبے عرصے کے بعد اپنے اہل خانہ سے ملنے دبئی جانے والے ہیں۔

آصف علی زرداری کو آٹھ برس کی اسیری کے بعد بائیس نومبر کو کراچی میں رہا کیا گیا تھا۔