مبشر زیدی بی بی سی اردو ڈاٹ کام، کراچی

فائل فوٹو: سندھ میں وزراء کو حلف دلایا جارہا ہے

پیپلز پارٹی کے رکن مخدوم خلیق الزمان کی طرف سے پیش کی گئی قرارداد میں کہا گیا تھا کہ صوبے میں پندرہ لاکھ سے زیادہ بھارت، بنگلہ دیش، سری لنکا، افغانستان اور دیگر ممالک کے غیر قانونی تارکین وطن موجود ہیں جن کو فی الفور ان کے ملک واپس بھجوا دیا جائے۔

تاہم متحدہ قومی موومنٹ سے تعلق رکھنے والے ارکان اسمبلی نے اس قرارداد میں بھارت کا نام شامل کرنے پر احتجاج کیا اور کہا کہ پاکستان بننے کے بعد لاکھوں لوگ بھارت سے آئے تھے لہذا بھارت کا نام اس فہرست سے خارج کیا جائے۔

ان کا یہ بھی مطالبہ تھا کہ اس قرارداد میں عرب ممالک کا نام بھی شامل کیا جائے جن کے لوگ پاکستان میں دہشت گردی میں ملوث ہیں۔

اس اعتراض کے بعد ایوان نے اس قرارداد میں سے ان ممالک کا نام نکال دیا اور اسے متفقہ طور پر منظور کر لیا۔