ریاض سہیل حیدرآباد

پولیس اسٹیشن کے باہر ہیڈ پمپ

چودہ سالہ نورجہان کے والد ہاشم لاشاری نےکھیبرانی تھانہ میں مقدمہ درج کروایا ہے کہ وہ بدین کے رہائشی ہیں- اور مزدوری کرنے کے لئے یہاں آئے ہوئے ہیں-

ان کی بیٹی اپنی بہنوں کے ہمراہ دوپہر بارہ بجے پولیس پوسٹ کے قریب واقع نلکے سے پانی بھرنے گیئں تو پولیس حوالدار غوث بخش چانڈیو نے نورجہان کو زبردستی پولیس پوسٹ کی طرف لے گیا- جہاں اس کو بے آبرو کردیا-

پولیس نے حدود آرڈیننس کے تحت مقدمہ درج کرلیا ہے-

نورجہان کا کہنا ہے کہ وہ اپنی چھوٹی بہنوں کے ہمراہ نلکے سے پانی بھر رہی تھیں کہ پولیس حوالدار نے اسے زبردستی اٹھا کر پولیس چوکی کے اندر لےگیا جہاں اس نے زبردستی جنسی زیادتی کا نشانہ بنایا-

نورجہان نے بتایا کہ اس کے شور مچانے کے باوجود کوئی بھی شخص اس کی مدد کو نہیں آیا- نورجہان نے کہا کہ پولیس حوالدار اسے گذشتہ چند روز سے تنگ کر رہا تھا-

ملزم عوث بخش کو گرفتار کرلیا گیا ہے- اس کا کہنا ہے کہ اس پر من گھڑت الزام عائد کیا جا رہا ہے- میں نے ایسا کوئی جرم نہیں کیا ہے-

جمع کے روز نورجہان کا سول اسپتال حیدرآباد طبی معائنہ کرایا گیا- ڈاکٹروں نے ابتدائی رپورٹ میں لڑکی پر جنسی زیادتی کی تصدیق کی ہے-