آئی میکس سنیما کی خصوصیت یہ ہے کہ یہ تھری ڈائمنشنل ہوتا ہے

آئی میکس سنیما کی خصوصیت یہ ہے کہ یہ تھری ڈائمنشنل ہوتا ہے اور سنیما میں موجود حاضرین ایک خاص عینک لگا کر فلم کے کرداروں کو اپنے سامنے چلتا پھرتا اور اپنے پاس آتا محسوس کرتے ہیں۔

انہوں نے مزید بتایا کہ اس پروجیکٹ کی لاگت تقریباً چار سو میلن ہے۔ اس پروجیکٹ میں تھیٹر، رسٹورانٹ، شاپنگ مال، اسکیٹنگ ارینا اور سائنس سینٹر شامل ہیں۔

اس وقت دنیا میں آئی میکس سنیما گھروں کی تعداد دو سو ستر ہے جبکہ لاہور میں تعمیر کیا جانے والا یہ پاکستان کا پہلا آئی میکس سنیما گھر ہوگا۔

ایک اندازے کے مطابق آئی میکس تھیٹر کی سکرین عام سینما سکرین کے مقابلے میں تقریباً تین گنا زیادہ بڑی ہوتی ہے جو کہ ستر ملی میٹر کی فلم دکھانے کی گنجائش رکھتی ہے۔

زیادہ تر آئی میکس سنیما گھروں میں تعلیمی امور سے تعلق رکھنے والی فلمیں دکھائی جاتی ہیں۔

اس کے علاوہ کمرشل فلموں کے فارمیٹ کو بھی آئی میکس سنیما کے فارمیٹ میں تبدیل کیا جا رہا ہے۔

جبکہ اس آئی میکس سنیما گھر میں تعلیمی اور تفریحی دونوں طرز کی فلمیں دکھائی جائیں گی۔

کلچرل سکریٹری تیمور عظمت عثمان نے مزید بتایا کہ اس پروجیکٹ کا آغاز ستمبر سے کیا جائے گا اور توقع کی جا رہی ہے کہ یہ اگلے سال تک مکمل ہو جائے گا۔