جمالی اور شجاعت میں شدید اختلاف رہے ہیں۔

میر ظفر اللہ خان جمالی نے کہا کہ ’سسٹم کو بچانے کے لیے اور ملک اور پارٹی کو چلانے کے لیے میں اپنے عہدے سے استعفی دے رہا ہوں۔‘ انہوں نے کہا کہ اس اجلاس میں وہ اپنا استعفی پارٹی صدر کو پیش کر رہے ہیں اور اس سے پہلے انہوں نے استعفی نہیں دیا۔

مسلم لیگ ہاؤس میں منعقد ہونے والے اس اجلاس کی کارروائی سرکاری ٹیلی ویژن پر براہ راست نشر کی گئی۔

اس اجلاس کے آغاز پر چوہدری شجاعت نے کہا کہ وزیر اعظم جمالی کچھ اہم فیصلوں کا اعلان کرنے والے ہیں اور اس کے بعد انہوں نے جمالی کو اجلاس سے خطاب کرنے کی دعوت دی۔

جمالی نے اپنے استعفی دینے کا اعلان کرنے کے بعد کہا کہ وہ چوہدری شجاعت کا نام نئے وزیر اعظم کے امیدوار کے طور پر تجویز کرتے ہیں۔ تاہم انہوں نے کہا کہ کئی اور نام بھی ہیں جن میں وزیر خزانہ شوکت عزیز کا نام بھی شامل ہے زیرِ غور ہیں۔

انہوں نے کہا کہ نئے وزیر اعظم کی نامزدگی مسلم لیگ کے گھر کا معاملہ ہے اور وہ اسے متفقہ طور پر حل کر لیں گے۔

انہوں نے کہا پیر کو قومی اسمبلی کے اجلاس میں وہ نئے وزیر اعظم کو اعتماد کو ووٹ بھی دیں گے۔