عزیزاللہ خان بی بی سی اردو ڈاٹ کام کوئٹہ

گوادر پولیس نے بتایا ہے کہ ایئر پورٹ کے مغربی علاقے سے آر پی جی کے چھ خول اور ایس ایم جی کلاشنکوف کے سینتیس خول ملے ہیں۔ ابھی تک یہ معلوم نہیں ہے کہ اس فائرنگ کی کیا وجوہات ہیں۔

ایک ٹینکر کا ڈرائیور اس فائرنگ سے زخمی ہوا ہے۔ ہسپتال کے میڈیکل سپرنٹنڈنٹ ڈاکٹر مسعود نے بتایا ہے ڈرائیور محمد انور کو رات ساڑھے تین بجے کے قریب لائے ہیں ۔ انھوں نے کہا ہے کہ ڈرائیور کو ٹینکر کی سکرین کے شیشے لگے ہیں۔

پولیس واقعہ کی مختلف زاویوں سے تفتیش کر رہی ہے۔ان میں ایک زاویہ یہ بتایا جاتا ہے کہ مقامی افراد کا زمین پر تنازعہ اور دوسرا سمگلروں کے درمیان جھڑپ ہو سکتی ہے تاہم تاحال کچھ واضح نہیں ہے۔

یاد رہے کہ تین مئی گوادر میں کار بم دھماکے میں تین چینی انجینیئر ہلاک اور دو پاکستانیوں سمیت گیارہ افراد زخمی ہوگئے تھے اس دھماکے بارے میں تفتیش جاری ہے لیکن تاحال پولیس نے کسی واضح کامابی کے بارے میں نہیں بتایا ہے۔