خبر رساں ایجنسی رائٹرز کے مطابق یہ بھگدڑ بجلی کے نظام میں خرابی کی وجہ سے منگل کے روز اس وقت مچی جب سینکڑوں عورتیں اور بچے محرم الحرام کے سلسلے میں امام بارگاہ میں جمع تھے۔

ڈاکٹر امجد حسین کا کہنا ہے کہ اس بھگدڑ میں چھپن افراد زخمی بھی ہوئے ہیں۔

انہوں نے مزید بتایا کہ بجلی کا نظام معطل ہونے سے امام بارگاہ میں موجود خواتین خوفزدہ ہوگئیں۔ ان کا خیال تھا کہ یہ کوئی بیرونی حملہ ہے۔ اسی خدشے کے تحت دو منزلہ عمارت سے باہر نکلنے کی کوشش میں عمارت کا زینہ ٹوٹ گیا اور زبردست بھگدڑ مچ گئی۔