ایشیائی ممالک میں دیہی علاقوں کی خواتین

یہ اجلاس ریجنل اسٹیئرنگ کمیٹی ایشیا پیسیفک کے تحت ہورہا ہے جس کے ارکان ممالک میں آسٹریلیا، چین، بھارت، ایران، انڈونیشیا، کرغزستان، مالدیپ، منگولیا، پاکستان، فلپائن، ازبکستان اور ویتنام شامل ہیں۔

توقع ہے کہ اس دو روزہ اجلاس میں دیہی علاقوں میں آباد خواتین کی مشلکات و مسائل اور آلام پر روشنی ڈالنے کے ساتھ ساتھ اپنے اپنے ممالک کی معاشی ترقی میں ان کے اہم کردار پر بھی بحث کی جائے گی۔

اس اجلاس کا مقصد دیہی خواتین کے مسائل سے حکومتوں کا آگاہی بخشنا اور ان کے حل کے لیے آمادہ کرنا شامل ہے۔

یہ اجلاس غربت کے خاتمے اور دیہی خواتین کو قرضے کی سہولیات کی فراہمی پر بھی غور کرے گا۔

میزبان وفد کی سربراہی پاکستانی صدر جنرل پرویز مشرف کی اہلیہ بیگم صہبا مشرف کریں گی۔ دیگر قومی رہنماؤں کی بیگمات بھی اس اجلاس میں شرکت کررہی ہیں۔