یہ صفحہ دوست کو ای میل کیجیئے		پرِنٹ کریں

شافیلی ستمبر میں پراسرار طور پر غائب ہو گئی تھی

برطانیہ میں ایک گمشدہ لڑکی کے پاکستانی نژاد والدین کو اسے اغوا کرنے کے شبے میں گرفتار کر لیا گیا ہے۔

پولیس کو تقریباً یقین ہے کہ لڑکی کو قتل کر دیا گیا ہے۔

چیشائر پولیس نے چوالیس سالہ افتخار احمد اور ان کی اہلیہ فرزانہ کو جمعرات کے روز علی الصبح وارنگٹن میں واقع ان کے گھر سے گرفتار کیا۔

دو ہفتے پہلے پولیس نے شافیلیہ کی لکھی ہوئی شاعری کو ریلیز کیا تھا جس میں اس نے اپنے ناخوشگوار حالات کو ذکر کیا ہے۔

شافیلیہ باقاعدگی سے ہسپتال میں خصوصی علاج کراتی تھی اور چونکہ ساڑھے تین ماہ سے وہ علاج کے لئے ہسپتال نہیں آ سکی، اس لئے اس کے سرجن اور پولیس کے تحقیقاتی افسروں کا خیال ہے کہ وہ یقیناً مرچکی ہے۔

شافیلیہ کو آخری بار وارنگٹن کے گریٹ سینکی علاقے میں لیورپول روڈ پر واقع اس کے گھر سے نکلتے ہوئے دیکھا گیا تھا۔

وہ حال میں پاکستان میں چھٹیاں گزار کر آئی تھی۔

پولیس کی ٹیمیں اس کی لاش کی تلاش کے سلسلے میں ابھی تک شہر کے قریب پڑے کوڑے کے ڈھیروں کی چھان بین کر رہی ہیں۔