یہ صفحہ دوست کو ای میل کیجیئے		پرِنٹ کریں

مسٹر واجپئی نے ایک خط کے ذریعے سارک کانفرنس کے موقع پر اپنی اسلام آباد آمد کی تصدیق کی تھی

پاکستان کے وزیر اعظم میر ظفراللہ جمالی نے پیر کے روز اپنے ہندوستانی ہم منصب اٹل بہاری واجپئی کو ٹیلی فون کیا اور انہیں اگلے ماہ اسلام آباد آمد کے موقع پر پرجوش استقبال کی یقین دہانی کرائی۔

وزیر اعظم میر ظفراللہ جمالی ان دنوں فرانس کے دورے پر ہیں اور انہوں نے پیر کی شام وزیر اعظم واجپئی سے پانچ منٹ تک بات چیت کی۔

بھارتی وزارت خارجہ کے حکام کے مطابق دونوں رہنماؤں نے اپنی بات چیت میں دوطرفہ تعلقات میں حالیہ دنوں میں آنے والی گرمجوشی اور ایل او سی پر جنگ بندی پر تبادلہ خیال کیا۔

حکام کے مطابق دونوں رہنماؤں نے اس امید کا اظہار کیا کہ مسٹر واجپئی کے دورہ پاکستان کے دوران دوطرفہ تعلقات میں مزید بہتری آئے گی۔

مسٹر واجپئی نے گزشتہ ہفتے پاکستانی وزیر اعظم ظفر اللہ جمالی کو ایک خط لکھا تھا جس میں انہوں نے سارک سربراہ کانفرنس کے موقع پر اپنی اسلام آباد آمد کی تصدیق کی تھی۔