یہ صفحہ دوست کو ای میل کیجیئے		پرِنٹ کریں

شہزادہ عبداللہ بن عبدالعزیز دو روزہ سرکاری دورے پر پاکستان کے دارالحکومت اسلام آباد میں ہیں

پاکستان اور سعودی عرب نےاس عزم کا اظہار کیا ہے کہ دونوں ملک مل کر دہشت گردی کا خاتمہ کریں گے۔

دونوں ملکوں نے مشرق وسطی میں دیرپا امن کے قیام کا اور کشمیر کے مسئلے کے منصفانہ حل کی ضرورت پر زور دیا۔

اپنے دو روزہ دورہ پاکستان کے دوران اسلام آباد میں پاکستان حکام سے بات چیت کے بعد سعودی عرب کے ولی عہد شہزادہ عبداللہ نے دہشت گردوں کو اسلام کے دشمن قرار دیا جو، ان کی رائے میں، اسلامی تہذیب اور تقافت کو نقصان پہنچانے کے در پے ہیں۔

اس موقع پر پاکستان کے صدر پرویز مشرف نے کہا کہ دہشت گردی کے خلاف جنگ میں معاملہ فہمی اور دروں بینی کا مظاہرہ کرنا چاہیے۔

عراق کے مسئلے پر پاکستان اور سعودی عرب کے وزرائے خارجہ نے کہا ہے کہ ان کے ملک فوجیں بھیجنے کے لئے عراق عوام کی طرف سے درخواست کا انتظار کریں گے۔