گذشتہ ہفتے کا پاکستان تصاویر میں

،تصویر کا ذریعہGetty Images

،تصویر کا کیپشنگذشتہ ہفتے پاکستان کے صوبہ پنجاب کا دارالحکومت لاہور ایک بار پھر سموگ کی لپیٹ میں رہا۔ پاکستانی حکام اس سموگ کی وجہ، سرحد پار انڈیا میں کسانوں کی جانب سے دھان کی فصل کی باقیات نذرِ آتش کرنے کو قرار دیتے رہے ہیں۔

،تصویر کا ذریعہGetty Images

،تصویر کا کیپشنجمعیت علمائے اسلام (ف) کے سربراہ مولانا فضل الرحمان نے 13 نومبر کو اسلام آباد میں آزادی مارچ کا دھرنا ختم کرتے ہوئے پلان بی کے تحت احتجاج صوبوں میں منتقل کرنے کا اعلان کیا ہے۔ جس کے بعد آزادی مارچ میں شریک جے یو آئی کے حمایتی کو اپنا بوریا بستر باندھتے دیکھا جا سکتا ہے۔

،تصویر کا ذریعہEPA

،تصویر کا کیپشنرواں برس فروری میں پاکستان اور انڈیا کے جنگی طیاروں کے درمیان فضائی جھڑپ میں ایک انڈین پائلٹ ابھینندن ورتمان کو پاکستانی فوج نے گرفتار کر لیا تھا۔ اِس واقعے کے بارے میں کراچی کے پاکستان ایئر فورس میوزیم میں ایک مستقل نمائش کا انعقاد کیا گیا جس میں ابھینندن کا مجسمہ بھی رکھا گیا۔

،تصویر کا ذریعہEPA

،تصویر کا کیپشنپاکستان کے مختلف شہر ایک مرتبہ پھر ڈینگی کی لپیٹ میں ہیں۔ یہ مرض وبائی شکل اختیار کر چکا ہے اور کراچی سے لے کر پشاور تک متعدد شہروں میں ہزاروں افراد اس کا شکار بن چکے ہیں۔ صوبہ سندھ کے شہر لاڑکانہ میں ڈینگی بخار میں مبتلا ایک مریض کو الگ تھلگ وارڈ میں رکھ کر ان کا علاج کیا جا رہا ہے۔

،تصویر کا ذریعہAFP

،تصویر کا کیپشنپاکستان مسلم لیگ (ن) کے قائد اور سابق وزیرِ اعظم محمد نواز شریف کی صحت کی بگڑتی ہوئی صورتحال پر گذشتہ ہفتے شہباز شریف نے لاہور میں مسلم لیگ(ن) کے مرکزی رہنمائوں کے ساتھ پریس کانفرنس سے خطاب کیا۔ لاہور ہائی کورٹ نے سنیچر کو سابق وزیراعظم نواز شریف کو بیرونِ ملک جانے کی مشروط حکومتی اجازت کے خلاف دائر درخواست پر فیصلہ سناتے ہوئے انھیں علاج کی غرض سے چار ہفتوں کے لیے بیرون ملک جانے کی اجازت دی۔

،تصویر کا ذریعہAFP

،تصویر کا کیپشنپاکستان کے صوبہ خیبر پختونخوا کے دارالحکومت پشاور میں انسداد منشیات فورس (اے این ایف) کی جانب سے منشیات کے ڈھیر کو نذر آتش کیا گیا۔

گذشتہ ہفتے کا پاکستان تصاویر میں

اسی بارے میں