گذشتہ ہفتے کا پاکستان تصاویر میں

کم ڈیٹا استعمال کرنے کے لیے صرف تحریر پڑھیں

10 نومبر 2019

کرتارپور راہداری کے افتتاح سے لے کر محمد آصف کے آئی بی ایس ایف ورلڈ سنوکر چیمپیئن بننے تک، پاکستان میں گذشتہ ہفتے پیش آنے والے اہم واقعات کی تصویری جھلکیاں

،تصویر کا کیپشنپاکستان کی وزارت داخلہ نے سابق وزیر اعظم نواز شریف کا نام طبی بنیادوں پر ایگزٹ کنٹرول لسٹ (ای سی ایل) سے نکالنے کے لیے معاملہ قومی احتاسب بیورو (نیب) کے سپرد کر دیا ہے۔ ہسپتال میں زیرِ علاج نواز شریف کو مریم نواز کی رہائی کے بعد ان کی رہائش گاہ جاتی امرا منتقل کر دیا گیا تھا۔

،تصویر کا کیپشنمولانا فضل الرحمان کے آزادی مارچ کے شرکا اسلام آباد میں موجود ہیں اور ان کے لیے اتوار بازار کے قریب پشاور موڑ پر انتظامات کیے گئے ہیں۔ جمعے کے روز شرکا سے بات کرتے ہوئے مولانا فضل الرحمان کا کہنا تھا کہ انھوں نے حکومت کو دو ٹوک پیغام پہنچا دیا ہے کہ ’جب بھی آؤ استعفیٰ لے کر آنا۔‘

،تصویر کا کیپشنملک بھر میں ہر سال کی طرح اس بار بھی عید میلاد النبی کے موقع پر لوگوں نے اپنے گھروں، عمارتوں اور مساجد کو خوشنما قمقموں اور بتیوں سے سجایا۔ پیغمبرِ اسلام کی ولادت کے سلسلے میں مختلف تقاریب منعقد کی گئیں۔

،تصویر کا کیپشنپاکستان کے محمد آصف نے ترکی کے شہر انطالیہ میں ہونے والی انٹرنیشنل بلیئرڈ اینڈ سنوکر فیڈریشن (آئی بی ایس ایف) ورلڈ سنوکر چیمپیئن شپ جیت لی ہے۔ محمد آصف نے سنیچر کو کھیلے گئے فائنل میں فلپائن کے جیفری روڈا کو پانچ کے مقابلے میں آٹھ فریمز سے شکست دی۔ انھوں نے دوسری مرتبہ سنوکر کا عالمی اعزاز حاصل کیا ہے۔

،تصویر کا کیپشنفٹبال کی دنیا کے چار معروف کھلاڑی، برازیل کے ریکارڈو کاکا، پرتگال کے لوئس فیگو، سپین کے کارلس پیول اور فرانس کے نکولس اینلکا پاکستان موجود ہیں۔ وہ یہاں دو نمائشی میچ کھیل رہے ہیں۔ ان فٹبالرز کو پاکستان لانے والی کمپنی کے مطابق یہ غیر ملکی کھلاڑی مقامی فٹبالرز کے ساتھ کھیل کر یہ بتا سکیں گے کہ ان میں کیا خوبیاں اور خامیاں ہیں۔

گذشتہ ہفتے کا پاکستان تصاویر میں

اسی بارے میں