آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ایم کیو ایم کی عبوری رابطہ کمیٹی کے رہنما حراست میں
- مصنف, حسن کاظمی
- عہدہ, بی بی سی اردو ڈاٹ کام، کراچی
پاکستان کے شہر کراچی میں رینجرز نے پریس کلب کے باہر سے الطاف حسین کی حامی ایم کیو ایم کی عبوری رابطہ کمیٹی کے دو اراکین کو حراست میں لے کر نامعلوم مقام پر منتقل کردیا ہے۔
حراست میں لیے جانے والوں میں پروفیسر حسن ظفر عارف اور کنور خالد یونس شامل ہیں۔
یاد رہے کہ الطاف حسین کی جانب سے ندیم نصرت کو ایم کیو ایم کا نیا کنوینر مقرر کیا گیا تھا۔ الطاف حسین نے ان کے ساتھ 12 رکنی رابطہ کمیٹی کا اعلان بھی کیا گیا تھا جس کے نو اراکین کراچی میں تھے۔
ان افراد نے 14 اکتوبر کو ایک پریس کانفرنس میں الطاف حسین کی مکمل حمایت اور تعاون کا اعلان کیا تھا اور کہا تھا کہ مائنس ون فارمولہ نہیں چل سکتا۔
ایم کیوایم کی عبوری رابطہ کمیٹی کے رکن امجد اللہ خان نے بی بی سی کو بتایا کہ انھوں نے سنیچر کو شام چار بجے ایک پریس کانفرنس کرنی تھی جس کے لیے وہ پریس کلب پہنچے تھے۔
تاہم رینجرز نے ان کے ساتھیوں پروفیسر حسن ظفر عارف اور کنور خالد یونس کو پریس کلب میں داخل ہونے نہیں دیا۔
امجد اللہ خان کے مطابق وہ پریس کانفرنس میں چند نئے ساتھیوں کی تنظیم میں شمولیت کا اعلان کرنے والے تھے۔
اراکین کو حراست میں لیے جانے کے بعد ایم کیوایم نے پریس کانفرنس ملتوی کردی۔
End of سب سے زیادہ پڑھی جانے والی
