ہارون رشید بی بی سی اردو ڈاٹ کام، پشاور

	پاکستان میں اس وقت پچیس لاکھ سے زائد افغان پناہ گزین مختلف کیمپوں میں مقیم ہیں۔

اقوام متحدہ کے ادارہ برائے پناہ گزین یا یو این ایچ سی آر کے ایک بیان کے مطابق پندرہ جون تک پہلے مرحلے میں صوبہ سرحد میں کچہ گڑھی کیمپ جبکہ بلوچستان میں جنگل پیر علیزئی کیمپ بند کیئے جائیں گے۔

دوسرے مرحلے میں پندرہ جون سے صوبہ سرحد میں جلوزئی اور بلوچستان میں گردی جنگل نامی کیمپ کی بندش کا عمل شروع ہوگا جو اکتیس اگست تک مکمل طور پر بند کر دیئے جائیں گے۔

بیان کے مطابق ان کیمپوں کے مکینوں کے پاس دو راستے ہوں گے۔ وہ یا تو یو این ایچ سی آر کی امداد سے رضاکارانہ طور پر واپس جا سکیں گے یا پھر وہ ان کیمپوں میں منتقل کر دئیے جائیں گے۔

ماضی میں ان کیمپوں کے پناہ گزین مختلف وجوہات کی بناد پر واپس جانے سے انکار کرتے رہے ہیں۔ لیکن اب واضع نہیں کہ وہ اس نئی ڈیڈلائن پر رضامند ہوں گے یا نہیں۔

حکومت پاکستان کا کہنا ہے کہ ان کیمپوں میں ناصرف جرائم پیشہ افراد پناہ لیتے ہیں بلکہ وہ لوگ بھی جو افغانستان جا کر حکومت اور اتحادی افواج کے خلاف کارروائیوں میں حصہ لیتے ہیں۔

البتہ حکومت کو کئی مواقعوں پر مختلف دباو کی وجہ سے ان کیمپوں کی بندش کا فیصلہ موءخر کرنا پڑا ہے۔

پاکستان میں اس وقت پچیس لاکھ سے زائد افغان پناہ گزین مختلف کیمپوں میں مقیم ہیں۔