مصر میں سیاحت کی صنعت بم حملوں سے بری طرح متاثر ہوئی ہے(فائل فوٹو)

بحیرہ احمر پر واقعہ سیاحوں میں مشہور مقام شرم الشیخ کے رہائشیوں کے مطابق ایک دھماکہ علاقے کی مارکیٹ میں ہوا۔ اس مارکیٹ کی دکانیں سیاحوں میں بہت مقبول ہیں۔

عینی شاہدین نے بتایا کہ دھماکوں والی جگہوں سے دھواں اٹھتا ہوا دیکھا گیا ہے۔

ہلاک ہونے والوں میں برطانوی، مصری، ولندیزی، کویتی اور قطری شہری شامل ہیں۔

اطلاعات کے مطابق خليج نعمۃ میں ہوٹلوں کو نشانہ بنایا گیا ہے جن میں سے ایک بری طرح تباہ ہوگیا ہے۔ یورپ اور مشرق وسطیٰ سے آنے والے بہت سے سیاح خلیج نعمۃ میں واقع ہوٹلوں میں قیام کرتے ہیں۔

یہ دھماکے ایسے موسم میں ہوئے ہیں جب اس علاقے میں دنیا بھر سے آنے والے سیاحوں کا رش ہوتا ہے۔

گزشتہ سال شرم الشیخ میں بم دھماکوں میں چونتیس افراد ہلاک ہو گئے تھے۔