”میں تم سے بات نہیں کرنا چاہتی”

روس میں سرکاری طور شروع کی جانے والی ایک سروس کے ذریعے لڑکیاں لڑکوں کو با آسانی بتا سکتی ہیں کہ وہ ان سے بات نہیں کرنا چاہتی۔

اس سروس کے آغاز کے بعد روس میں لڑکیاں کسی ناپسندیدہ لڑکے کو ٹیلیفون نمبر بتانے سے نہیں گھبراتیں اور اس سے اگلے روز فون پر بات کرنے کا وعدہ کر کے جان چھڑا لیتی ہیں۔

لیکن اس لڑکے کو یہ نہیں معلوم کہ اگلے روز اس نمبر پر اس کو ایک مرد کی آواز سنائی دے گی۔

نئی سروس کے تحت فون کرنے والے کو مرد کی آواز میں بتا دیا جاتا ہے کہ جس نے اسے ٹیلیفون نمبر دیا تھا وہ اس سے بات نہیں کرنا چاہتی۔

ماسکو میں یہ سروس کافی مقبول ہو رہی ہے۔ فریش گروپ نامی کمپنی جس نے یہ سروس شروع کی تھی نے بتایا ہے کہ گزشتہ ماہ دس ہزار بار اس سروس کا استعمال کیا گیا

۔کمپنی کے ترجمان نے بتایا کہ رابطہ کرنے والوں کے جواب کو ریکارڈ کرنے والا وائس میل بھر چکا ہے اور انہیں اس وائس میل باکس کو سننے کے خیال سے ہی خوف آتا ہے۔