جرمنی کے ارکان پارلیمان اس بات پر سخت برہم ہیں کہ پارلیمنٹ کی عمارت پر لہرانے والا جھنڈا نیلامی میں ایک قحبہ خانے کی انتظامیہ نے خرید لیا ہے۔ قحبہ خانے کی میڈم نے جھنڈا حاصل کرنے کے بعد اپنی مسرت کا اظہار کرتے ہوئے کہا وہ اس قومی علامت کو اپنے کاروبار کے مرکز کی عمارت پر لہرائیں گی۔ جرمنی کی حکومت نے فنڈز جمع کرنے کے لیے انٹرنیٹ کے ذریعے جھنڈے کی فروخت کا اعلان کیا تھا۔ نیلامی کے منتظمین کو آخر تک جیتنے والے شخص کی شناخت کے بارے میں معلوم نہیں تھا۔ جھنڈا چار ہزار بیس ڈالر میں بِکا۔ اس نیلامی میں انتیس ہزار چھ سو چھتیس افراد حصہ لیا۔ جرمنی کے ایک اخبار نے اپنی سرخی میں سوال اٹھایا کہ آیا پارلیمانٹ کے جھنڈے کو ایک قحبہ خانے پر لہرانے کی اجازت دی جا سکتی ہے۔ اخبار نے خبر کے ساتھ تصاویر شائع کیں جن میں قحبہ خانے میں کام کرنے والی لڑکیاں نیم برہنہ حالت میں جھنڈے کو سیلوٹ کر رہی ہیں۔ | 
یہ صفحہ دوست کو ای میل کیجیئے
پرِنٹ کریں
