مائیکرو سافٹ کے سربراہ اور بانی بل گیٹ

کمپیوٹر کی اس بڑی کمپنی کو نوے دن کی مہلت دی گئی ہے کہ وہ کمپیوٹر تیار کرنے والوں کو میڈیا پلیئر کے بغیر ونڈو کا آپریٹنگ سسٹم مہیا کرے۔

کمپنی کو یہ حکم بھی دیا گیا ہے کہ وہ اپنے کاروباری حریفوں کو تکنیکی معلومات بھی فراہم کرے تاکہ ان کی بنائی گئی مصنوعات ایسے کمپیوٹروں پر کام کر سکیں جو ونڈوز کے ذریعے چلتے ہیں۔

یورپی کمیشن نے مائیکروسافٹ کو مستقبل میں اس قسم کا کاروباری رویہ اختیار کرنے سے بھی منع کر دیا ہے جس میں صحت مند مقابلے کا رجحان نہ ہو۔

مائیکروسافٹ کا ادارہ اس فیصلے کے خلاف اپیل کی منصوبہ بندی کر رہا ہے۔

یورپی یونین کے مطابق کمپنی پر الزام تھا کہ اس نے ناجائز ہتھکنڈے استعمال کر کے مارکیٹ پر غیر معمولی اجارہ داری قائم کر لی ہے۔

کاروباری مسابقت کو جائز حدود میں رکھنے پر معمور یورپی کمیشن کے سربراہ ماریو مونٹی کا کہنا ہے کہ مائیکرو سافٹ نے اپنے ونڈوز پروگرام کو اس کے ذیلی سافٹ ویئرز کے ساتھ اس طرح لازم و ملزوم کر دیا ہے کہ کوئی کمپنی متبادل سافٹ ویئر تیار نہیں کر سکتی۔

کمیشن کا کہنا ہے کہ مائیکروسافٹ کا یہ اقدام نئے اور دوسرے کاروباری اداروں کے پنپنے کے راستے مسدود کرنے کے مترادف ہے کیونکہ وہ ایسے سافٹ ویئر تیار نہیں کرسکتیں جنہیں مائیکروسافٹ کی ونڈوز کے ساتھ استعمال کیا جا سکے۔

ماریو مونٹی