بل گیٹس صحت کے شبعہ سے وابستہ رفاہی اداروں کی فراخدلانہ مدد کرتے ہیں

تپ دق کے بارے میں عالمی ادارۂ صحت کا اندازہ ہے کہ ہر سال اس کی وجہ سے دنیا بھر میں بیس لاکھ افراد ہلاک ہوجاتے ہیں۔

اس مرض کے جراثیم نے موجودہ ادویات کے خلاف مزاحمت پیدا کر لی ہے۔

عطیہ کی رقم ایریاس گلوبل ٹی بی ویکسین فاؤنڈیشن کو دی جائے گی نئی ادویہ کی آزمائش کرے گی۔

گیٹس فاؤنڈیشن ک رچرڈ کلاسنر کا کہنا ہے کہ یہ بات ناقابل برداشت ہے کہ دنیا میں ہر پندرہ سیکنڈ بعد ایک شخص ٹی بی میں مبتلا ہونے کی وجہ سے ہلاک ہو جاتا ہے۔

ایک اندازے کے مطابق تین میں ایک آدمی اس جراثیم سے متاثر ہے۔

کچھ عرصہ قبل ٹی بی کا مرض روبہ زوال تھا لیکن اب اس میں پھر سے تیزی آگئی ہے جس کا سبب ایڈز اور ایچ آئی وی کی شرح میں اضافے کو خیال کیا جاتا ہے۔

ٹی بی سے بچاؤ کے لئے اس وقت بی سی جی کا ٹیکہ لگایا جاتا ہے تاہم ان ممالک میں جہاں اب یہ کارگر نہیں رہا زیادہ مؤثر دوا کی ضرورت ہے۔