’یہ دوسروں کے لئے اچھی مثال نہیں‘

روزی ریڈ ہم جنس پرست ہے، برسٹل یونیورسٹی میں زیر تعلیم ہے اور مقروض ہونے سے بچنا چاہتی ہے۔

روزی کا تعلق جنوب مشرقی لندن سے ہے اور وہ سوشل پالیسی کا مضمون پڑھ رہی ہے۔

روزی کی ویب سائٹ کے مطابق بولی اتوار کو آٹھ ہزار چار سو پاؤنڈ پر بند ہوئی اور جیتنے والے سے گیارہ فروری تک رابطہ کیا جائے گا۔

روزی کی ماں نے بی بی سی کو بتایا کہ وہ کبھی اس بات کی حمایت نہیں کر سکتیں ’لیکن روزی اب بالغ ہے‘۔

یونیورسٹی کی ترجمان نے کہا کہ ’جہاں تک یونیورسٹی کا معاملہ ہے اس کا اس بارے میں کوئی رد عمل نہیں اور دوسرا یہ کہ طالبہ بالغ ہے‘۔

روزی کی ماں نے کہا کہ انہوں نے روزی کو سمجھانے کی کوشش کی ہے اور ان کو امید ہے کہ وہ باز آجائے گی۔

سٹوڈنٹ یونین کے سربراہ نے کہا کہ وہ اس بات کی حمایت نہیں کر سکتے کہ کوئی بھی طالب علم اپنے آپ کو خطرے میں ڈالے۔ انہوں نے روزی کی طرف سے

نیلامی کو ’بڑا سٹنٹ‘ قرار دیتے ہوئے کہا کہ یہ ایک اہم معاملہ ہے اور یہ طالبہ دوسروں کے لئے اچھی مثال نہیں۔