ایلیا میسی
انسن سٹی، جنوبی کوریا |  |
آج کی شام کے ماتھے پے،
گزرے سالوں کے سبھی حوالے ہیں۔
اجڑے دلوں کا ماتم،
بکھرے خوابوں کے نالے ہیں۔
بجھتی شاموں کی بےبسی،
ٹوٹتی خواہشوں کے جالے ہیں۔ سوالِ محرومی کے ہاتھ میں،
زہرتشنگی کے پیالے ہیں۔
ڈوبتے سورج کی تھکن،
گزرے لمحوں کی ضمن،
مضطرب یادوں کی چبھن، وقت کی بند مٹھی میں،
چند لمحے اس سال کے،
ابھی باقی ہیں۔ آؤ اس سے پہلے کہ،
لمحات کے یہ ذرات بھی سرک کر،
کسی گم گشتہ ماضی کی یاد بنیں،
آؤ ٹوٹ کے روئیں،
آؤ پھر اشک ندامت سے،
آبیاری کریں،
دل کی بنجر زمینوں کی۔ اپنی ذات کو کھوئیں،
بیج وفاؤں کے بوئیں،
صبح فردہ کی پیشانی پہ،
اک لفظ رمز صداقت،
اک لفظ رسم محبت،
رقم کرتے جائیں۔
نوٹ: بی بی سی اردو ڈاٹ کام پر’ آپ کی آواز‘ کا صفحہ قارئین کے لئے ہے۔ یہاں آپ کسی بھی موضوع پر اگر کچھ لکھنا چاہتیں ہیں تو لکھ بھیجیں۔
| 
یہ صفحہ دوست کو ای میل کیجیئے
پرِنٹ کریں
