 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
فربہ ملازموں کی نوکری خطرے میں | ||||||||||||||||||||||||||||||||||||||||
بھارت کی ائیر لائن ائیر انڈیا نے عملے میں شامل موٹے افراد کو کہا ہے کہ وہ دو ماہ کے اندر اپنا وزن کم کریں ورنہ انہیں ’گراونڈ‘ کردیا جائے گا یعنی کہ انہیں پرواز پر تعینات نہیں کیا جائے گا۔ ائیر لائن کے ایک سو سولہ کیبن کرو کے دس فیصد افراد اوور ویٹ ہیں یعنی موٹے سمجھے جاتے ہیں۔ ائیر انڈیا کے جنرل مینیجر (پبلک ریلیشنز) وی وینکت نے بی بی سی کو بتایا کہ ائیر لائن اس حوالے سے سختی سے عمل کرے گی۔ ائر لائن کے حکام کا کہنا ہے کہ اس مقابلے کے دور میں اس اعلان کا مقصد ائر لائن کی خراب پوزیشن کو بہتر بنانا ہے۔ ائیر انڈیا کا بہترین سیفٹی ریکارڈ ہے تاہم وہ بدوضع جہازوں، طویل تاخیر اور سست سروس کی وجہ سے مشہور ہے۔ اس صنعت میں حالیہ چند سالوں میں مقابلے کی فضا پیداہوئی ہے اور نئی نئی ائر لائنوں نے سستے داموں ملک کے اندر اور باہر پروازیں شروع کر دی ہیں۔ ایک اندازے کے مطابق ملک کی یہ صنعت دو ہزار دس تک ترقی کرکے سالانہ پپینتالیس ہزار مسافروں تک پہنچ جائےگی۔ اس وقت اس ائیر لائن سے چودہ ہزار افراد سفر کرتے ہیں۔ مقابلے کے اس رحجان کے پیش نظر ائیر لائن نے اگلے دس سالو ں میں68 نئے جہاز خریدے کا بھی اعلان کیا ہے۔ وزن میں کمی کے اس اعلان کا کیبن کرو کی تنظیم نے خیر مقدم کیا ہے۔ بھارت کے قانون کے مطابق خاتون کرو کے ارکان پچاس سال کی عمر تک جبکہ مرد ممبران 58 سال کی عمر تک پروازوں پر کام کر سکتے ہیں۔ |  اسی بارے میں  ائر انڈیا کا طیارہ حادثے سے بچ گیا30 July, 2005 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
