صلاح الدین بی بی سی اردو ڈاٹ کام، دلّی

	شراب ایک غیر قانونی فیکٹری میں تیار کی گئی تھی

ڈاکٹروں کا کہنا ہے کہ مرنے والوں کی تعداد زیادہ ہوسکتی ہے کیونکہ خدشہ ہے کہ بہت سے لوگ ہسپتال آئے بغیر ہی دم توڑ چکے ہوں گے۔

یہ واقعہ گوہاٹی سے ایک سو اسّی کلومیٹر دور تیز پور علاقے میں جمعہ کو رونما ہوا تھا۔ اس واقعے کے بعد مقامی مظاہرین نے کسٹم آفس کو آگ لگا دی تھی۔ یہ شراب ایک غیر قانونی فیکٹری میں تیار کی گئی تھی۔ حکام نے اس سلسلے میں تین افسروں کو برخاست کر دیا ہے۔

پولیس کا کہنا ہے کہ مزید تفتیش جاری ہے کہ آخر غیر قانونی شراب کی فیکٹریوں کے پیچھے کون لوگ ہیں۔