صلاح الدین دلی

شاہ رخ کو اس دوران فلموں میں کامیابی بھی ملی ہے لیکن وہ اس سے لطف اندوز نہیں ہو سکے

ان کےدوست احباب کا کہنا ہے کہ نیا گھر ان کے لیے بدشگونی کا باعث ثابت ہوا ہے۔ مشہور یہ ہو گیا ہے کہ شاہ رخ اس گھرمیں جب سے ‘منت‘قل ہوئے ہیں انہیں صحیح معنوں میں خوشیاں نصیب نہیں ہوئی ہیں۔

انہیں کئی فلموں میں کامیابی ملی ہے لیکن اس میں بھی انہیں مزا نہیں آرہا ہے۔ ان کے ایک دوست نے کہا ہے کہ ان کا بنگلہ ’منت‘ شاہ رخ خان کے لیے سب کچھ ہے لیکن ان کی امیدوں پر وہ پورا نہیں اترا ہے۔ انکا کہنا تھا کہ اگر ’منت‘ کے بارے میں شاہ رخ خان کو یہ بتایا جاتا ہے کہ وہ ان کے لیے اچھا شگون نہیں ہے تو وہ بہت افسردہ ہو جاتے ہیں اسی لیے ان سے اس طرح کی باتیں نہیں کی جاتی ہیں۔

لیکن ان کے خاص دوست ہدایت کار کرن جوہر ان باتوں کو پوری طرح مسترد کرتے ہیں ان کا کہنا ہے کہ ایک چوری ضرور ہوئی ہے لیکن اس کے حوالے سے اس طرح کی باتیں کہنا صحیح نہیں ہے۔

گزشتہ پانچ برسوں میں شاہ رخ خان کی دو فلموں ’پھربھی دل ہے ہندوستانی‘ اور ’ون ٹو کا فور‘ کے علاوہ تمام فلمیں باکس آفس پر کامیاب رہی ہیں لیکن انکی ذاتی زندگی میں شروعات سے ہی کافی ہلچل رہی ہے ۔ بالی ووڈ کی دنیا میں اپنی فلم ’دیوانہ‘ کے ساتھ قدم رکھتے ہی ان کی والدہ انتقال کر گئیں جبکہ انکے والد کا ساتھ ان سے بچپن میں ہی چھوٹ چکا تھا۔ اس کے علاوہ کچھ عرصے سے شاہ رخ کی صحت بھی خراب رہتی ہے۔

اپنی نئی فلم ’ویر زارا‘ کے ریلیز کے موقع پر بھی انکی ٹانگ میں چوٹ آگئی تھی۔