عنبر خیری بی بی سی اردو ڈاٹ کام

للیتہ اور ڈارسی: نفرت محبت میں بدل جاتی ہے

’برائڈ اور پریجیوڈس‘ کی کہانی انیسویں صدی کی انگریزی ناولسٹ جین آسٹن کی مشہور کتاب ’پرائڈ اینڈ پریجیوڈس‘ پر مبنی ہے۔ یہ فلم بالی وُڈ سپر سٹار ایشوریا رائے کی پہلی انگریزی فلم بھی ہے اور اس کی لندن میں زبردست پبسلسٹی ہوئی ہے۔

اس فلم کی سپر سٹار ایشوریا رائے ہیں لیکن پورے کاسٹ میں ان ہی کی اداکاری سب سے کمزور ہے

حسینہ عالم کی فلمی بہنوں کی شکلیں انتہائی معمولی اور کپڑے بھی

فلم انگریزی میں ہے لیکن اس کا پورا سٹائل بالی وڈ فلم کا ہے۔ ہر تھوڑی دیر بعد ناچ گانا، پیار بھرے گیت وغیرہ۔اور یوں ہی آپ کو یہ محسوس ہوتا رہتا ہے کہ آپ نے یہ کسی اور فلم میں بھی دیکھا ہے۔ فلم میں کچھ ہندی فلم ’ کوئی ہو یا نہ ہو‘ کی جھلکیاں تو کچھ جان ٹراوولٹا کی میوزیکل ’گریس‘ کی۔

فلم کے گانے بھی اچھے ہیں خاص طور پر ’نو لائف ودآؤٹ وائف‘ (بیوی کے بنا کیا جیننا) جو گرندر چڈھا نے اپنے مرحوم والد کے پسندیدہ کہاوت سے بنایا ہے

انوپم کھیر اور نجمہ ببر نے والدین کے رول بہترین اندام میں کیے ہیں

ایشوریا کے علاوہ فلم کے سارے کرداروں کی ایکٹنگ اچھی ہے خصوصاً انوپم کھیر اور نجمہ ببر کی جو لڑکیوں کے والدین بنے ہیں۔

فلم مزاحیہ ہے اور بہت ہی ’رومانٹک‘ بھی

اس فلم پر انڈیا کے فلمی ناقدین نے کافی منفی تبصرہ کیا ہے لیکن اس کی سب سے اہم بات یہ ہے کہ یہ انسان کو ہنساتی بھی ہے اور خوش بھی کرتی ہے۔ کامیڈی اچھی ہے اور رومانس زبردست۔ اور ایشوریا کی ایکٹنگ کمزور ہے تو کیا؟