گلوکاروں کا کہنا ہے کہ امریکی عوام کو گمراہ کیا گیا ہے۔

گلوکار 9 انتخابی ریاستوں کے 36 شہروں میں کارکردگی کا مظاہرہ کریں گے جبکہ گیارا اکتوبر کا شو امریکہ کے شہر واشنگٹن ڈی سی میں منعقد ہوگا۔
سپرنگسٹین نےکہا ’صدر بش عراق پر جنگ کے حوالے سے بنیادی طور پر بددیانت رہے ہیں اور عوام کو خوفزدہ کیا گیا ہے۔‘

55 سالہ گلوکار نےمزید کہا ’میری ناراضگی کی وجہ یہ ہے کہ ہمیں گمراہ کیا گیا ہے‘۔

گلوکاروں کا یہ گروپ امریکہ کے شہر اوہایو اور مشیگن میں بھی کارکردگی دکھائے گا جہاں صدر بش اور ڈیموکریٹ امیدوار جان کیری کے درمیان زبردست انتخابی مہم جاری ہے۔ جبکہ 8 اکتوبر کا شو فلوریڈا میں منعقد کیا گیا ہے وہاں بھی دونوں امیدواروں میں کانٹے دار مقابلے کی توقع کی جا رہی ہے۔

نٹالیہ مینز نے کہا کہ یہ تبدیلی کا وقت ہے۔ نٹالیہ مینز کو ان کے ایک بیان کی وجہ سے شدید تنقید کا سامنا کرنا پڑا جس میں انہوں نےلندن کے لوگوں سے مخاطب ہوکر کہا تھا کہ وہ اس بات پر شرم محسوس کرتی ہیں کہ صدر بش بھی ان کی ریاست ٹیکساس کے رہنے والے ہیں۔

انہوں نے مزید کہا’ ایسی سیاسی فضا پہلے کبھی نہیں رہی جومیری طبعیت سے اس قدر عدم مطابقت رکھتی ہو‘۔