بریڈ پٹ ایچلی کے روپ میں

ٹرائے کی خوں آشام جنگ میں ایچلی کا کردار ادا کرنے والے بریڈ پٹ نے زبردست اور پر تکلف استقبالیے کے دوران نہ صرف اپنے پرستاروں کے ساتھ تصویریں کھنچوائیں بلکہ ان کو آٹوگراف دینے میں بھی مصروف رہے۔

اس موقع پر فلم کے دیگر اداکاروں میں سے ہیلن کا کردار ادا کرنے والی اداکارہ ڈایان کروگر اور ایرک بانا بھی موجود تھے۔

ڈایان کروگر جو حال ہی میں جرمنی کی فلمی دنیا سے ہالی ووڈ منتقل ہوئی ہیں کا کہنا تھا کہ اس کردار کے انتخاب پر وہ بے انتہا خوش ہیں۔

اسی فلم پر بریڈ پٹ نے بی بی سی سے بات کرتے ہوئے کہا کہ ’ ان کے لیے ایچلی کا کردار ادا کرنا باعث فخر ہے۔ ‘ ان کا مزید کہنا تھا کہ ایچلی اس جنگ کا وہ کردار تھا جو تجربے کی بنیاد پر کامیابی اور ناکامی کو گردانتا تھا۔‘

پوٹس ڈامر کے جس سنیما سے یہ فلم ریلیز ہوئی ہے اس کے باہر لکڑی کا دس میٹر اونچا ایک گھوڑا بھی نصب کیا گیا ہے۔