مونا لیزا جس کی مسکراہٹ نے کروڑوں لوگوں کے دل جیتے

لیونارڈو ڈونچی کی اس پینٹنگ کے چاروں طرف لگے ہوئے لکڑی کا فریم ٹیڑھا ہو رہا ہے۔ عجائب گھر کے حکام نے بتایا کہ موسم کی تبدیلی کے مونا لیزا کی تصویر پر اثرات کا جائزہ لیا جائے گا ۔

تحقیقات کے دوران اس پینٹنگ کی نمائش جاری رہے گی۔

عجائب گھر سے جاری ہونے والے بیان کے مطابق پینٹنگ کے لکڑی کے فریم کی حالت پہلے سے زیادہ خراب ہو رہی ہے۔یہ تحقیقات سینٹر فار ریسرچ اینڈ ریسٹوریشن آف میوزیم آف فرانس کریگا جس میں یہ پتہ لگایا جائے گا کہ یہ پینٹنگ کس چیز سے بنی ہے۔

یہ پینٹنگ جس کی جادوئی مسکراہٹ نے کروڑوں لوگوں کا دل لبھایا ہے شیشوں میں بند کرکے رکھی گئی ہے تاکہ اس پر موسم کی تبدیلیوں کے اثرات نہ پڑیں۔

اگلے سال اس پینٹنگ کو ایک خصوصی کمرے میں رکھا جائے گا۔مونا لیزا کی یہ تصویر 1503 سے 1506 کے درمیان بنائی گئی تھی اور خیال ہے کہ تصویر کا نام غالباً فانسسکو ڈیل جیو کونڈو کی اہلیہ کے نام پر رکھا گیا تھا جو اس پینٹنگ کی ماڈل بنی تھیں۔

سولہویں صدی کے اوائل میں یہ پینٹنگ ڈی ونچی کے ساتھ فرانس آگئی۔ 1911 میں یہ تصویر چوری ہو گئی تھی اور دو سال بعد اسے فلورنس کے ایک ہوٹل سے برآمد کیا گیا۔