 |  شلپا کی خاص پہچان اداکاری کے علاوہ ان کا رقص ہے |
بھارتی فلمی صنعت کا ستر افراد پر مشتمل ایک وفد لاہور پہنچ رہا ہے جہاں وہ آئندہ ہفتے سے شروع ہونے والی موسمِ بہار کی تقریبات میں شرکت کرے گا۔ فلمی صنعت کے اس وفد کی قیادت اکشے کمار اور شلپا شیٹی کررہے ہیں جو پاکستان میں بھی اتنے ہی مقبول ہیں جتنے بھارت میں۔ اس وفد کی آمد پاکستان اور بھارت کے درمیان تعلقات کی بہتری کے لیے ہونے والے اقدامات اور سرگرمیوں کا نتیجہ ہے۔ دورے کے دوران بھارتی اور پاکستانی فنکار مل کر لاہور میں ایک شو پیش کریں گے۔ لاہور کے گولف کلب میں منعقد ہونے والے اس پروگرام کا ٹکٹ آٹھ ہزار روپے رکھا گیا ہے۔ موسمِ بہار کا یہ پروگرام بسنت بھی کہلاتا ہے۔اس تہوار کو اب پتنگوں کے تہوار سے بھی جانا چاتا ہے، اگرچہ پتنگ بازی میں ہلاکتوں کے باعث حکومت پنجاب نے پتنگ بازی پر پابندی لگا رکھی ہے۔ بھارت سے آنے والے وفد میں مہیش بھٹ، پوجا بھٹ اور ارمیلا متدونڈکر سمیت کئی مشہور شخصیات شامل ہیں۔ | 
یہ صفحہ دوست کو ای میل کیجیئے
پرِنٹ کریں
