یہ صفحہ دوست کو ای میل کیجیئے		پرِنٹ کریں

ڈاکٹر نو میں بونڈ کا سین نمبر ون ہے

برطانیہ کے ٹی وی چینل ’چینل فور‘ کی جانب سے کرائی گئی ایک رائے شماری کے مطابق جیمز بانڈ کی فلم ڈاکٹر نو میں اداکارہ ارسلا اینڈریس کے سمندر سے باہر نکلنے کے سین کو دنیائے فلم کا سب سے زیادہ سیکسی سین قرار دیا ہے۔

اُرسلا کی عمر اس وقت سڑسٹھ برس ہے۔ڈاکٹر نو میں ان کے کردار کا نام ہنی رائڈر تھا اور جب یہ سین فلمایا گیا تھا ان کی عمر چھبیس برس تھی۔

فلم ڈاکٹر نو ہنی رائڈر پیلے رنگ کی بِکنی پہنے سمندر سے نکلتی ہیں۔ انہوں نے ہاتھ میں دو سیپیاں اٹھائی ہوتی ہیں اور ان کی کمر پر ایک خنجر لٹک رہا ہوتا ہے۔

مردوں میں اداکار جارج کلونی کو اداکارہ اور گلوکارہ جینیفر لوپیز کے ساتھ فلم آؤٹ آف سائٹ کے سین کی وجہ سے سیکسی جوڑا نامزد کیا گیا۔

سانپ کے ساتھ ڈانس سیکسی ہے؟

چینل فور کی ترجمان نے کہا ہے کہ ’یہ خوشی کی بات ہے کہ اس طرح کے یادگار کردار نے وقت کا مقابلہ کیا اور اتنے نوجوانوں کے ساتھ مقابلے کے بعد اب بھی سکرین پر سب سے زیادہ سیکسی کردار جانا جاتا ہے۔

فلمی نقاد باب مکیبے نے کہا ہے کہ انہیں حیرت ضرور ہوئی ہے تاہم وہ نتیجے سے خوش ہیں۔

سیکسی سین کے حوالے سے ڈاکٹر نو کی ارسلا پہلے، کروال انٹینشنز کی سارہ میشل گیلر اور سلمیٰ بلیئر دوسرے، ڈسک ٹل ڈان میں سلمیٰ ہائیک کا ڈانس تیسرے، آؤٹ آف سائٹ میں جیمز کلونی اور جینیفر لوپیز کا سین چوتھے، پیسک انسٹِنکٹ میں شیرون سٹون کا سین پانچویں، نائن اینڈ ہالف ویک میں کم بیسنگر اور مکی رورک کا سین چھٹے، قویر ایس فولک میں ہم جنس سین ساتویں، ہو فریمڈ راجر ریبِٹ میں جیسیکا ریبِٹ آٹھویں، ایمینویل کے سین نویں اور امیریکن پائی میں طالبہ نادیہ کا سین دسویں نمبر پر رہا۔