یہ صفحہ دوست کو ای میل کیجیئے		پرِنٹ کریں

دلیر مہندی نے خود پر لگائےگئے الزامات کی تردید کی ہے

بھارت کی شمال مغربی ریاست پنجاب کی عدالت عالیہ (ہائی کورٹ) نے ممتاز بھارتی گلوکار دلیر مہندی کی درخواست ضمانت رد کردی ہے۔

اس سے قبل پٹیالہ کی ایک عدالت بھی دلیر مہندی کی ضمانت کی درخواست مسترد کر چکی ہے۔

بھارتی پولیس پہلے ہی گلوکار دلیر مہندی کی تلاش میں چھاپے مار رہی ہے جو سنیچر کو اپنے ضمانت کی مدت ختم ہونے کے بعد سے مفرور ہیں۔

دلیر پر لوگوں کو بیرون ملک بھیجنے کے بہانے رقومات اینٹھنے کا الزام ہے۔

دلیر نے اپنے بیرون ملک دوروں پر لوگوں کو ساتھ لے جانے کے بہانے ان سے پیسے وصول کرنے کے الزام سے انکار کیا ہے۔

دلیر مہندی کے خلاف پولیس تفتیش اس وقت شروع ہوئی جب ایک شہری نے دلیر مہندی پر الزام لگایا کہ انہوں نے ان سے بیرون ملک بھجوانے کا جھانسہ کے دیکر لاکھوں روپے وصول کئے۔

اس کیس کی خبر اخبارات میں چھپنے کے بعد کئی اور افراد اسی طرح کے الزامات کے ساتھ سامنے آئے۔

گزشتہ ماہ کے اوائل میں دلیر مہندی، ان کی بیوی اور بڑے بھائی پر چار دیگر افراد پپر لوگوں کو غیر قانونی طور پر بیرون ملک بھجوانے کا الزام لگایا گیا تھا۔